Бөлүмдөр
Жекшемби, 21-октябрь
Чүй облусуПанфилов району 16.02.2017 12:30

Чүй облусунда мыйзамсыз дааватка чыккандар кармалды

Turmush -  Чүй облусунда «Йакин инкар» диний агымынын жактоочулары кармалды. Бул тууралуу бүгүн, 16-февралда милициядан кабарлашты.

Маалыматка караганда, 10-февралда Панфилов районунун Эркин-Сай айылындагы «Абхааб» намазканасы текшерүүгө алынган. Анда өздөрүн «Йакин инкар» диний агымынын мүчөлөрү деп атаган 13 адам уруксат кагазы жок даават иштерин жүргүзүп жүргөнү аныкталган.

Милиция кызматкерлери бул агымдын мүчөлөрүн: Ысык-Ата районунун 1982-жылы туулган тургуну Э.Ш., Чүй районунун 1992-жылы туулган тургуну Ж.Э, Токмок шаарынын 1988-жылы туулган тургуну Ч.Н. жана диний-экстремисттик мүнөздөгү 11 китепти алып жүргөн Кемин районунун 1963-жылы туулган тургунун кармашты. Табылган китептер теологиялык экспертизага жиберди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×