Turmush — Электр энергиясынын альтернативдүү булагы болгон күн панелин орнотуу боюнча Чүй облусунун Панфилов районунда жер тилкеси аныкталды. Бул тууралуу аймактык кабарчы билдирди.
Райондо аким Бекмаат Масаидовдун жана тиешелүү жетекчилердин катышуучусунда күн панелин орнотуу маселеси каралды. Анда энергияны пайдалануунун альтернативдүү жолу — күн панелин чек арага жакын жайгашкан Фрунзе айыл аймагындагы Чалдыбар менен Чолок-Арык айылдарынын ортосундагы жер тилкесине орнотуу макулдашылды. Ал жерде күн энергиясы аркылуу электр энергиясын камсыздайт.
Жаз айынан баштап иш-аракеттер башталуусу мерчемделди. Учурда мыйзам чегиндеги иш кагаздарын даярдоо жумуштары жүргүзүлүүдө.
